INDIA-in TV anchor boycott tur list tichhuak

Eptu ṭangrual pawl, INDIA coordination committee meeting-ah TV show leh anchor ṭhenkhat boycott chungchang an rel hnuah, Congress party hruaitu Pawan Khera chuan an boycott tur list hi tichhuakin, anchor 14 hming an dah chhuak,

Pawan Khera chuan, "Heng anchor-te hi kan haw lo a, kan ram hi kan hmangaih zawk mai a ni" tiin, anchor boycott an tumte chuan mi huatna lam chauh an show-ah an chhuah ṭhin niin a sawi. INDIA coordination committee hian Nilaini khan Sharad Pawar-a inah meeting hi an nei a ni.

INDIA-in TV show leh anchor an boycott zingah hian; Aaj Tak-Sudhir Chaudhury leh Chitra Tripathi, Bharat Express-Aditi tyagi, Bharat 24- Rubika Liyaquat, DD News-Ashok Shrivastav, India Today-Gaurav Sawant leh Shiv Aroor, India Tv- Prachi Parashar, CNN News18-anand Narasimhan, News18 India-Aman Chopra leh Amish Devgan, R.- Arnab Goswami, Times Now-Navika Kumar, Times Now Nav Bharat-Sushant Sinha te an tel. Pawan Khera chuan,"INDIA coordination committee thuchhuak angin, heng anchor kan boycott-te leh an show-ah reng reng INDIA chuan aiawh kan intir dawn lo a ni," tiin a sawi.