CBI-te'n railway official man

Central Bureau of Investigation (CBI) chuan Nilaini khan inthamna thubuaiah Gorakhpur-a awm, North Eastern Railway (NER) Principal Chief Material Manager, KC Joshi an man. KC Joshi chenna in leh office te hi dap a ni a, pawisa fai Rs. vbc 2 chuang leh document an man.

Thubuai theh luttu hian a sawi danin Railways tan hian thla tin bungrua Rs. 80,000 man kum khat chhung atan contract a nei a, he contract supply tura registration a neih hi Principal Chief Material Manager hian GeM portal aṭanga cancel a nih lohna turin thamna sum nuai 7 a phut niin a sawi. CBI-te chuan enthla nghalin thang an kam a, thubuai theh luttu kut aṭanga KC Joshi-a'n thamna sum Rs. nuai 3 a dawng lai hi an man ta a ni.

Man a nih hnu hian CBI-te hian Uttar Pradesh-a Noida hmuna KC Joshi chenna in chu an dap a, Gorakhpur-a a office pawh dap a ni bawk. Heta ṭang hian Rs. vbc 2 chuang manin, midang thiam loh chantirna tura siam document eng emaw zat an man tel. KC Joshi hi Lucknow-a Competent court hmaah inlan tura tih a ni.