BJP MP-te nikhatah km. 15 zel kein kal dawn

Thawhlehni khan Parliament Library Building-a BJP-in par­lia­mentary party meeting an neihnaah prime minister Narendra Modi chuan Lok Sabha-a BJP MP-te chu Mahatma Gandhi piancham vawi 150-na pualin an bial chhung ṭheuhah km. 150 - 'Padayatras or Foot pil­gri­mages or Foot march' nei turin a hriattir.

MP-te chu hnam pa - Ma­hat­ma Gandhi leh Sardar Vallabhbhai Patel, Iron man of India-te piancham pualin Oct. 2 leh Oct. 31 inkar chhung ni khatah km.15 zel ke a kal turin PM chuan a ti a ni. 

PM chuan Rajya Sabha MP-te pawh hetah hian tel turin a hrilh a, an bial chhung ṭheuh a BJP chak lohna hmunte tlawh turin a ti bawk tih parliamentary affairs minister Pralhad Joshi chuan thuthar thehdarhtute a hrilh.

Joshi chuan sawi chhun­zawmin, "MP bial tinah mi 15-20 ruatin padyatra chu ni khata km.15 zel kalpui turin hma an la ang. He Yatras hi thingtlang khuate rilru tuai tharna turte, intodelh leh thingphun lama ṭan an lak theih nana hmalakna a ni," tiin a sawi. 

Padayatras hi Gandhi a thu­chah puan darhna hun remchang tak niin BJP hruaitute chuan an sawi. Union finance minister Nirmala Sitharaman pawhin MP-te chu budget speech-ah khan tawi fel taka hrilhfiahin 'visionary' tiin a sawi a ni.

PM chuan meeting naah hian Sankalp Patra (election manifesto) chu engpawh ni se hun lo kal tura an hmathlirah a tel zel tur a ni, a ti niin Joshi chuan a sawi bawk. 



Share this Post

Login to comment
No Comments