Association for De­mocratic Reforms (ADR) chuan report an tihchhuahah sorkar lai Bharatiya Janata Party (BJP) chuan FY 2016-17 leh FY 2017-18 chhung khan corporate donation cheng vaibelchhe 915.596 zet an dawng tih an tarlang.

BJP-in corporate dona­tion an dawn hi donation lut zawng zawng aṭanga 94% a tling phak hial a, hetihlai hian Congress chuan cheng veibelchhe 55.36 an dawng thung.

ADR report tihchhuah hi Election Commission data aṭanga siam a ni a, national party paruk- BJP, Congress (INC), NCP, CPI, CPM, leh Trinamool Congress (AITC)-ten donation cheng 20,000 chin chunglam an dawn an chhinchhiahna aṭ-anga an siam a ni. List-ah hian Bahujan Samaj Party (BSP) an tel lo thung a, hei hi FY 2016-17 leh 2017-18 chhung khan corporate aṭanga  cheng 20,000 chunglam donation an dawn loh vang a ni tih an tarlang.

BJP hian corporate 1731 aṭangin donation an dawng a, anmahni hnaih bertu Congress hian corporate 151 a-

ṭang chiahin donation hi an hmu a ni. NCP chuan cheng vaibelchhe 7.73 an hmu a, CPM chuan cheng vaibelchhe 4.42 hmu bawkin AITC chuan cheng vaibelchhe 2.03 an hmu thung.

BJP-in donation an hmuh cheng vaibelchhe 985.18 aṭanga vaibelchhe 22.59 hi unsegregated category aṭanga an hmuh a ni a, heng zingah hian company-an detail online-ah pawh hmuh tur awm lo emaw eng company nge an ni tih pawh hriat lohte an awm nual a ni.

Donor zingah hian electoral trusts chu a langsar ber an ni a, cheng vaibelchhe 499.42 zet an donate a ni. Manufacturing leh real estate sector-te chuan dawt ve leh bawkin anni sector aṭang hian cheng vaibelchhe 120 leh vaibelchhe 90.57-te an hmu a ni.

Prudent/Satya Elec­toral Trust chu donation pe tam ber an ni a, BJP tan cheng vaibelchhe 405.52 pein, Congress tan cheng vaibelchhe 23.90 an pe thung. 

Share this Post