Karnataka Assembly speaker Ramesh Kumar chuan Congress-Janata Dal (Secular) ṭangrual sorkara MLA hel 13-te banna thehluh dan chu a dik tawk lo tih sawiin, a la pawmsak lo. Hei vang hian rorellai sorkar pawhin insiamremna turin hun a la neih phah thei deuh dawn a ni. 

Rorellai MLA helte hian kar kal ta Inrinni khan banna hi an thehlut a ni. Mahse banna an theluh lai hian speaker Kumar hi a awm lo a, a office-ah lehkha hi dahin Mumbai lam an pan nghal a ni. 

Speaker hian nimin khan MLA-te banna thehluh dan chu dan anga tih a nih loh avangin a la pawmsak thei lo tih Governor  hnenah ziakin a hrilh. Hei vang hian anmahni ngei kala an pek 

ṭhat leh a ngaih thu a sawi. Spea­ker chuan banna 13 thehluh zinga pariat chu a dik tawk lo tih a  sawi. 

Congress leader Siddaramaiah chuan MLA uirete lakah chuan action lak a nih tur thu a sawi a, speaker hnenah pawh MLA an nihna aṭanga disqualify ringawt lo a, kum ruk chhung inthlan an chuh khapsak tura a ngen thu a sawi. Nimina Congress-in meeting a kohah pawh an MLA zinga 12-te chu an inlan lo a ni. 

Congress leh JDS MLA, banna thehlutte hi Mumbai-a luxury hotel-ah an awm mek nia sawi a ni. An party hotute hian biakpawh tum mah se an awmna tak hi hriatchian a ni lo. Rorellai MLA eng emaw zatin banna an thehluh avangin ṭangrual sorkar hum a nih theihna turin Thawh-

ṭanni khan minister-te chu an bang vek bawk a, MLA helte hi thlem kir leh an tum a ni. MLA dangin an phatsan leh tur vengin JDS chuan an party MLA-te chu Bengaluru daia resort-ah an khungkhawm vek bawk.

Share this Post