Kolkata American Centre Director thar - Elizabeth Lee

US Consulate General, Kolkata-a Public Affairs Officer (PAO) leh American Centre Kolkata Director ni turin Elizabeth Lee ruat a ni.

Lee chuan,"United States of America aiawha India khawchhak lam leh hmarchhak vil tura Kolkata ka rawn thleng hi ka lawm tak zet. US leh India thawh dunna ti ṭha zual tur leh, helai vela mihring leh a chengte nunphung leh hnam tihdante a tak ngeia ka rawn hmu thei tur hian min tihlim a ni," tiin a sawi.

Elizabeth Lee hian Tokyo leh Islamabad bakah hmun hrang hrangah Public Affairs hna thawk tawhin, Washington DC-a Bureau of Population, Refugess and Migration (PRM)-ah a thawk tawh bawk. Marshall University aṭanga journalism degree nei niin, Japanese leh Urdu nal takin a hmang thei. Lee hian US Consulate General, Kolkata-a PAO ni ṭhin, Adrian Pratt a thlak a ni.