Gujarat High Court-in Rahul Gandhi appeal-na a hnawl

Congress party hruaitu, Rahul Gandhi-a'n intihmingchhiatna thubuaia thiam loh chantir a nih hnuah a hremna 'stay' tura Gujarat High Court-ah a appeal chu nimin khan court hian a hnawlsak.

Gujarat High Court chuan Gandhi appeal-na chu ṭan chhan awm lo leh, thubuai 10 chuang nei lai a ni tiin a hnawlsak a ni.

Rahul Gandhi hi he thubuaia thiam loh a chan avang hian court chuan kumin March thla khan kum 2 tang turin hremna a lo pe tawh a,a hremna tihchhuah a nih tukah Lok sabha MP a nihna pawh hlihsak nghal a ni.

Gandhi hi Surat session court-ah kalin, court hian thiam loh a channa 'stay' a dilna chu a lo hnawl tawh bawk a, mahse, bail a dilna a phalsak thung.

High Court-a Gandhi dilna ngaihtuahtu, justice Helmand Prachchhak chuan mipuite aiawha ram hruaitu chu ngaihtuahna fim tak nei a ni tur a ni tiin, Veer Savarkar-a tupain complaint a theh luh thu pawh a sawi lang tel a ni.

Kum 2019-a Karnataka-a Lok Sabha inthlan tur atan campaign rally an neihnaah Rahul Gandhi hian,"Engati nge rukru zawng zawng hian Modi tih hming an neih?" tiin thu a sawi a, heta a thusawi avang hian BJP MLA, Purnesh Modi chuan Modi tih hmingpute tihhmingchhiatna leh tihbawrhbanna a ni tiin, Gandhi lakah hian criminal defamation a theh lut a ni.