Chhattisgarh deputy CM thar TS Singh Deo

Congress chuan kumina assembly inthlan hmachhawn tur Chhattisgarh-a Deputy Chief Minister atan TS Singh Deo a ruat thar.

Congress General Secretary, KC Venugopal chuan ,"Deo hi Congress hruaitu rinawm leh theihna nei ṭha sang tak a ni a, Chhattisgarh mipuite hian a zarah hian hmasawnna nasa tak an nei ngei ang. Chhattisgarh mipuite pawhin inthlan leh hunah hian Khargeji leh Rahul Gandhi-a kaihhruaina hnuaiaah Congress hi hneh taka an thlan tlin leh ngei kan ring bawk. Congress president Mallikarjun Kharge pawhin TS Singh Deo Deputy CM atan kan ruatna hi min pawmpui tawh a ni," tiin a sawi.

Chhattisgarh Chief Minister Bhupesh Baghel pawhin Deputy CM thar chu duhsakna hlanin,"Deputy Chief Minister atana Maharaj Saheb ruat a ni hi ka lawmpui a, a hna ṭha taka thawk thei turin duhsakna ka hlan e," a ti.