President-in India rama HC building lian ber a hawng

President Droupadi Murmu chuan Nilaini khan Ranchi, Jharkhand-ah India rama High Court building lian ber a hawng.

Jharkhand High Court hi Rs vbc 550 sengin ram acre 165-a zauah sak a ni a, air-condition court room 25 leh hall lian pahnih, lawyer 1,200 ṭhut len theihna bakah, mi 540 awm theihna chamber a awm bawk. Building-ah hian 2000 KVA solar power plant dah tel niin, hei hian he buidling puma power mamawh zat aṭanga 60% vel a phuhru thei dawn a ni.

High Court building thar a hawn rual hian, President Murmu chuan Chief Justice of India D Chandrachud, minister for law and justice Arjun Ram Meghwal leh sorkar chu mi rethei zawkten rorelna dik tak an hmuh theihna atana hma la zel turin a chah. "Hun rei tak court lama an buaipui hnuah hnehna an chan a, mahse court-in an tana tihsak tura a sawite chu a taka tihsak zui an ni lo fo," tiin eng angin nge hma lak zel dan tur pawh an hre lo a, hei vang hian rorelna dik tak chu an hmuh ngei a ngai a ni, a ti. Family counselling centre-a a thawh lai pawhin, hetiang tawk chhungkuate hi tlawhin, an chan tur angte pek an ni em tih pawh an lo enfiah fo ṭhin tih a sawi.