Hri kai enkawl mek mi 57,542 tling chho tawh

India ramah Covid-19 hri kai an pun chhoh leh hnuah, nimin zing thleng khan ram pumah hri kai mek, active case 57,542 an tling chho leh tawh.

Union health ministry-in data a tichhuahah, Inrinni khan hri kai hmuh chhuah thar hi 10,093 awm belhin, hripui vanga thi hi mi 23 an awm belh leh bawk.

Nitina hri kai thar, daily positivity rate hi 5.61% a tling tawh a, weekly positivity rate pawh 4.78% a ni tawh.

Ram pumah Covid-19 hri kai hmuh chhuah tawh hi mi 4,48,18,115 an awm tawh a, hri kai mek hi hri kai hmuh chhuah tawh aṭanga 0.13% an ni. Hripui vanga thi mi 5,31,114 awm tawhin, hri kai tawh aṭanga 1.19% an ni bawk.

Ministry-in a tarlan danin, nimin zing thleng ram pumah Covid-19 vaccine hi dose vbc 220.66 pek chhuah a ni tawh a ni.