Mexico-ah Delhi most wanter gangster man a ni

Delhi sorkarin man tum a zawn mek, most wanted gangster zinga mi Deepak Boxer chu Thawhṭanni khan Mexico ramah man a ni.

Mexico law enforcement agency leh Delhi police-a special cell team chuan Depek Boxer hi manin, tunkar hian India ramah hruai kir a ni ang. Tun ṭum hi Delhi police-ten ram pawn lama gangster an man ṭum khatna a ni.

Police-te chuan passport lem hmangin January 29 khan Deepak hian Kolkata aṭangin Mexico hi a pan niin an sawi. Kum 2022, August-a realtor, Amit Gupta a thah hnuah Deepak Boxer hi a bibo zui a, police-te chuan man tuma zawngin most wanted zingah an telh a, a awmna chin hrilh thei tan lawmman, Rs nuai 3 an siam.

Deepak Boxer hian a facebook-ah Gupta hi a thah a nih thu leh, a that chhan chu a sum duh vang ni loin, phuba a lakna a nih thute a tarlang. Gupta hi an gang hmelma, Tillu Tajpuria gang nena inzawmna nei niin a sawi zui bawk. Deepek hi Gogoi gang hotu niin, an pawl hotu hlui Jitendra Gongi chu kum 20201 khan Tillu gang lam hian an kaphlum a ni.