Dalai Lama'n Tibetan Buddhism hotu lu pathumna tur ruat

Dalai Lama chuan Tiben Buddhism sakhaw hotu lu pathumna, 10th Khalkha Jetsun Dhampa Rinpoche atan US-a piang, Mongolian mipa naupang a ruat.

March 8 khan Dalai Lama chenna, Himachal Pradesh-a Dharamshala-ah sakhaw hotu atan mipa naupang kum riat mi ruatna hun hi hman a ni. He mipa naupang hi US-a piang niin, phirpui mipa a nei bawk. A pa hi university professor niin, apu hi Mongolian Parliament member hlui a ni.

Tibetan Buddism hotu thar ruatna hi China hian a ngaimawh leh hle rin a ni. Kum 1995-a Dalai Lama'n Tibetan Buddhism hotu lu pahnihna, 11th Panchem Lama tur a ruat khan China thuneitute chuan an mi ruat leh a chhungte hi ruboin, an chin hriat zui a ni lo. Hemi hnu hian China chuan Panchema Lama hi thlakin, anmahni candidate zawk an dah zui a ni.