2023-24 fiscal year atan MGNREGS hlawh 10% in tipung

Union ministry of rural development chuan Mahatma Gandhi National Rural Employment Guarantee Scheme (MGNREGS) hnuaia inhlawhna rate a ennawn hnuah, kum 2023-24 atan 10% in a tipung.

MGNREGS hnuaiah inhlawhna rate hi state-tinte a in ang lo a, rate ennawn hnuah Haryana chuan pe sang berin ni khat inhlawhna rate Rs 357 a ni dawn a, Chhattisgarh chu a hniam ber niin Rs 221 a ni thung ang. He rate thar hi April 1 aṭanga hman tur a ni ang.

Rajasthan state-ah chuan ni khata inhlawhna rate hi Rs 231 aṭangin Rs 255-ah a pung a, Bihar leh Jharkhand-ah Rs 210 aṭangin Rs 228-ah a pung bawk.

State zingah Karnataka, Goa, Meghalaya leh Manipur-te chu hlawh pun tlemna an ni.