Zirlaite tan TV channel leh Univeristy tan online degree course buatsaih dawn
Union finance minister Nirmala Sitharaman chuan Covid-19 leng vanga zirna in te khar chhunzawm zel a nih avangin e-learning lama hmasawnna a awm theih nan, school kal laite tan TV channel buatsaih a nih dawn thu leh Univeristy 100 thlanchhuahte tan online degree course buatsaih a ni dawn tih a sawi.
Ram chhunga digital education lama hmasawnna a awm theih nan Nirmala chuan PM e-Vidya programme buatsaih a nih dawn thu a sawi.
Online leh radio kaltlangin school kal lai class 1 aṭanga 12-te tan TV channel buatsaih a nih dawn a, TV channel, Swayam Prabha kaltlangin zirna class live programme darkar ruk chhung chhuah ṭhin a ni dawn a, nikhatah vawi thum chhuah nawn tur a ni ang. He channel hi darkar 24 awh tur a ni.
Educational institution-ten a tam thei ang bera technology an hman theih nan, sorkar laipui chuan TV channel pathum hmangin zirna lama hmasawnnna a kalpui mek a ni.
Heng bakah hian channel 12 siam belh tum a ni a, ramchhunga radio-te chu a theih ang angin zirna lama naupang zawkten hma an sawn theih nana hman ṭangkai tum a ni bawk.
Nirmala chuan National Institutional ranking Framework-in ram chhunga University ṭha 100 a thlanchhuahte tan online degree course May 30 aṭangin an buatsaih dawn thu a sawi.