UP sorkarin Priyanka Gandhi dilna phalsak

Congress party gene­ral secretary, Priyanka Gandhi Vandra-in hmun danga inhlawhfaa awm tangkhangte hruai hawna tura an party-in bus 1,000 a tirh phalsak tura a ngenna chu Uttar Pradesh sorkar chuan a phalsak. 

May 16 khan Priyanka Gandhi hian chief minister Yogi Adityanath hnenah ngenna hi a thehlut a ni. 

Nimin khan state sorkar chuan Congress hruaitu hnenah hian a ngenna hi phalsak a nih thu leh, bus an tirh tur number leh driver-te hming thehlut turin a hrilh. 

Priyanka hian Uttar Pradesh mi leh sa, hmun danga inhlawhfaa awm, lockdown avanga tang­khang mekte chuan hna an thawh chhunzawm theih loh avangin ei leh in lamah harsatna an tawk nasa tawh hle tih sawiin, an zinga tam tak chuan kein an state lam an pan tih a sawi. Heng mite hruai hawna tur hian an party chuan bus-te buatsaihin state ramriah an dintir a, mahse sorkar phalna an neih a ngai tih a sawi. Bus-te hi tangkhangte phurh hawna tura hman a nih theihna tura phalna pe turin CM hi a ngen a ni. 

Rajasthan-a tang­khangte hruai hawna turin Congress party hian bus a tir tawh a, mahse bus-te hi Rajasthan an luh hma, UP ramriah dan an ni.