Central agency dik lo taka an hman avangin BJP hun a tawp dawn : Akhilesh Yadav

Samajwadi Party (SP) hotu Akhilesh Yadav chuan Bharatya Janata Party (BJP) chu eptu pary hruaitute beihna hmanrua atana dik lo taka central agency-te hmanrua atana hmangah puhin, an thiltih avang hian BJP hun hi tihtawp sak a ni thuai dawn, a ti.

Nimina Kolkata-a press conerence a neihah SP hruaitu chuan, "Congress party-in a hmaa central agency-te dik lo taka an lo hmang ṭhin ang bawkin, BJP hian an ti ve leh mek a ni. Congress hun tihtawp sak a ni tawh a, BJP pawhin an dinhmun ang bawk hi an tawng ve dawn a ni," tiin a sawi.

Yadav chuan central-a Congress kaihhruai United Progressive Alliance (UPA) sorkar term hnihna khan ram puma chi bing chhiarpui, caste census neih tiam mah se a kalpui lo tih sawiin, BJP kaihhruai National Democratic Alliance (NDA) sorkar chu caste census hi buatsaih ngei turin a phut.