India ram puma kawlphetha hman zat 10% in a pung

India ram puma kawlphetha hman zat kum 2021-22 aiin fiscal year April -February chhungin 10% in a pung.

Sorkar data tihchhuahah, April-February 2021-22 chhunga ram puma kawlphetha hman hi billioin units (BU) 1245.54 a ni a, April-February 2022-23-ah chuan BU 1375.57 a tling a ni. Kum 2021-22 fiscal year puma kawlphetha hman hi 1374.02 a ni.

Expert-te chuan nipui a nih chhoh dawn vangin ram pumah kawlphetha hman zat pawh hi a pung chho leh hle dawn niin an sawi. Power ministry chuan April thla hi power demand san ber hun turin a chhut a, GW 229 vel mamawh a ni dawn tih a sawi. Hei hi nikum April thlaa kawlphetha hman zat GW 215.88 in a sang hle dawn a ni.

Ministry chuan kawlphetha mamawh zat sang zel phuhruk tur hian kawng hrang hrangin hma a la a, coal-based power plant-te chuan March, 2023-June 15, 2023 chhung chu full capacity-a kal turin a ngen. Hei bakah hian thermal power generator dangte pawh coal lalut turin a ngen bawk.