EC-in Thackeray group affidavit thehluh zinga nuai 2.5 a hnawlsak

Election Commission of India (ECI) chuan Shiv Sena party-a Uddhav Thackeray lamṭang leh Eknath Shinde lamṭangte inkara buaina kal zela Thackeray pawl lamin affidavit an thehluh zinga nuai 2.5 chu a hnawlsak.

Thackeray pawlte hian ECI-ah hian affidavit hi nuai 11 chuang an thehlut a, heng zinga nuai riat chu pawmsak an nih laiin, nuai 2.5 erawh chu format dik loh vangin a hnawlsak a ni.

Shiv Sena party ziding zawk leh symbol hmangtu zawk nih inchuhin Thackeray leh Shinde pawlte hi hun eng emaw chen an buai tawh a ni. Mahse ECI hian thupek dang tihchhuah a nih leh hma chu pawl pahnihte hi Shiv Sena party hming leh symbol hman a phalsak rih lo. Hei vang hian a hmang theitu zawk nih inchuhin ECI hian affidavit ṭhahnem tham tak hi an thehlut a ni.