Kejriwal-a'n pawisa note-ah Lakshmi leh Ganesha thlalak dah tel duh

Delhi chief minister Arvind Kejriwal chuan pawisa note-ah Lord Ganesha leh Goddess Laskmi thlalak chuantir ve turin prime minister Narendra Modi hnenah a ngen.

Nimina New Delhi-a media mite a kawmnaah, Delhi CM chuan pawisa note tharah chuan a phek lehlamah Mahatma Gandhi thlalak dahin, a lehlamah Ganesha leh Lakshmi thlalakte hi dah a ni tur a ni, a ti.

"Kan thiltihahte theitawp chhuah ve ṭhin mah ila, pathianten mal min sawm loh chuan rah a chhuah ṭha ngai lo. Hei vang hian PM Modi chu Lord Ganesha leh Goddess Laxmi-te thlalak chu kan pawisa note-ah chuantir ve turin ka ngen a ni," tiin a sawi. Lakshmi-Ganesha te thlalak dah tel a nih chuan kan ram pawh a dingchang chho zel ang, a ti. A ngenna chungchangah PM hnenah hian lehkha thehlut thuai a tum tih a sawi bawk.