BSF-in Pakistan ramri-ah anti-drone system dah dawn

Border Security Force (BSF) chuan a vawi khatna atan, Punjab-a Pakistan ramri, International Border (IB)-a hmun 30-ah laser-equipped anti-drone technology leh anti-drone gun a dah dawn.

Anti-drone system hian Pakistan ram aṭanga ralthuam leh ruihhlo rawn phurh luhna atan drone hmangte a lo dangin, a lo kapthla thei dawn a ni. BSF hian ven ngai zual, anti-drone system hmanna turte pawh an thlang fel tawh a ni. BSF officer chuan Punjab-a IB km 553-a thuiah he system hmanna tur hmun 30 an thlang tih a sawi.

Anti-drone gun-te hian meter 2,500 chinah thil thlawkte a lo dang thei dawn a, radio leh GPS link aṭanga a manfuh hnu second 10 chhungin UAV (unmanned aerial vehicle)-te chu alo dangchat thei dawn a ni.