Sorkar laipuiin YouTube channel 10-a video 45 a block

Sorkar laipui chuan national security, foreign relation leh thupek kaihhnawiha thu dik tawk lo tarlanna, YouTube channel 10-a video 45-te a block sak.

Ministry of information & broadcasting chuan thuchhuah siamin, Information Technology (Intermediary Guidelines and Digital Media Ethics Code) Rules 2021 hnuaiah heng video-te hi block an ni tih sawiin, video an block hote hian view vaibelchhe 1.30 chuang an nei hman tih a tarlang.

Ministry chuan video-ah hian thu dik tawk lo, sakhaw hrang inkara inhuatna thlen theite a awm niin a sawi. Heng bakah hian Agnipath scheme, Indian Armed Forces, national security, Kashmir leh thil dangahte thu dik tawk lo an tarlang bawk a ni, a ti.