Azad-a'n a party din thar puan thuai a tum

Congress party a chhuahsan hnua political party thar a din tur thu sawitu, Ghulam Nabi Azad chuan ni 10 chhungin party thar chu a puang tawh dawn tih nimin khan a sawi.

Kum 73 mi, Azad hian Congress party inkaihhruai dan chungchang ṭum eng emaw zat a sawisel hnuah, thla hmasa khan party hi a chhuahsan a ni.

Jammu and Kashmir chief minister hlui, Azad chuan Congress party a chhuahsan hnuah amah thlawptu pawh an pung zel niin nimina Baramull-a rally a neihah a sawi. J&K-a Congress hruaitu eng emaw zat chuan Azad hi thlawpin an lo bang tawh a ni. Azad hian Kupwara leh south Kashmir-ahte rally huaihawt leh a tum.