Rajnath Singh leh Japan Defence Minister inkawm

2+2 ministerial dialogue hmanga Japan rama zin mek, defence minister Rajnath Singh leh Japan defence miniter Yazukau Hamada-te chu nimin khan Tokyo-ah an inkawm a, ram pahnihte inlaichinna chungchangte an sawidun.

Meeting an zawh hnuah, Singh chuan Japan Minister nen hian defence lama ram pahnihte thawhdunna hrang hrang leh regional affairs-te an sawidun thu a twitter-ah a tarlang. Indo Pacific region-a boruak ṭha a awm theihna theihna turin India leh Japan thawhdunna chu a pawimawh hle a ni, a ti.

Minister pahnihte hian defence exercise, 'Dharma Guardian', 'JIMEX' leh 'Malabar'-te chhunzawm zel an duh thute sawiin, kumin March thlaa 'MILAN' exercise neih ṭuma Reciprocal Provision of Supply and Sevices Agreement kalpui a ni chu lawmawm an tih thu an sawi. A hma thei anga fighter exercise neih pawh remtiin, hei hian ram pahniha Air Force-te thawhdunna tur kawng zau leh ṭha zawk a siam an beisei thu an sawi bawk.

Singh chuan Defence Equipment and Technological Cooperation hnuaiah India leh Japan-in an thawhdunna an tihzau a ṭul thu sawiin, Japan industry-te chu India defence corridor lamah investment ti turin a sawm.

2+2 ministerial dialogue nei tur hian Rajnath Singh leh external affairs minister S Jaishankar-te chu Japan-ah hian an zin a ni. Hei hi ram pahnihten 2+2 ministerial dialogue an neih ṭum hnihna a ni.