Kashmir Electoral Roll tihchhuah hun tur sawn

Election Commission of India chuan Jammu and Kashmir electoral roll tihchhuah hun tur chu November 25-ah a sawn hla.

ECI hian a hmain J&K electoral roll final list hi October 31 hmaa tihchhuah turin a lo ruat tawh a, mahse nimin khan November 25-ah a sawn leh a ni. Hei hi October 1-a kum 18 tling chinte dah luh an nih theihna tur niin a sawi. J&K-ah hian kum thum hnuah special summary revision hi neih mek a ni.

J&K state ni ṭhin chu BJP sorkarin ṭhiatin, kum 2019, October 31aṭang khan union territory pahnih - Jammu and Kashmir leh LadakhUnion Territory-ah a ṭhen a ni. Hemi hnu hian J&K UT-a assembly constituency-te chu Jammu and Kashmir Reorganisation Act of 2019 hnuaia din, Delimitation Commission thupek angin constituency 90-ah siam rem a ni a, Jammu Division-ah constituency 43 leh Kashmir Valley-ah 47 an awm a, heng zinga bial pakua chu Scheduled Tribes tan dah a ni bawk.

Lt Governor Manoj Sinha chuan electoral roll ennawn hi zawhfel a nih hunah assembly inthlan neih a ni dawn tih a sawi.