Pawngsual tawktu thlalak a tihlan avangin Police-ten Telangana BJP MLA thubuai an siamsak

Hyderabad police-te chuan Telangana BJP MLA M Raghunandan Rao chu Hyderabad-a pawngsual rawn tawktu, tleirawl kum 17 mi thlalak leh video a tihlan avangin thubuai an siamsak.

BJP MLA hian media mite a kawmnaah pawngsualnaah hian AIMIM MLA fapa a tel ve nia sawiin, a fiahna atan thlalak leh video a tilang a ni. Hemi hnu hian social media lamah thlalak leh video hi a darh zui ta niin advocate Karam Komireddy chuan complaint a thehlut. Hemi hnu hian Indian Penal Code section 228A hnuaiah police-ten MLA hi thubuai an siamsak nghal a ni. Komirreddy hian National Commission for Protection of Child Rights leh Telangana State Commission for Protection of Child Rights-ah complaint a thehlut bawk.

Police-te chuan May 28-a Hyderabad-a pawngsual rawn thleng chungchangah hian mi pali an man tawh a, an zinga pathum chu kum tling lo an ni. He pawikhawihnaa inhnamhnawih dang pakhat chu zawn mek a la ni.