Rajasthan sorkarin farm loan Rs nuai hnih chin ngaidam dawn

Rajasthan Chief Minister Ashok Gehlot-a kaihhruai sorkar chuan inthlan dawna Congress party-in a lo tiam tawh angin, loan farm ngaihdamna tur chu a tifel ve leh ta. Hemi hma hian Congress sorkar thar dinna, Madhya Pradesh leh Chhattisgarh sorkar pawhin loneitute loan ba ngaihdamna tur hi an lo puang tawh bawk.

Rajasthan sorkar chuan lonei-tute loan ba chu cheng nuai hnih thleng ngaihdam an ni dawn tih Nilaini khan a puang a, hemi atana sorkarin sum a sen tur hi cheng vaibelchhe 18,000 a tling dawn a ni. Farm loan ba ngaihdam tur hian loneitute harsatna tam tak a chhawk zangkhai theih an beisei thu an sawi.