Calcutta HC-in BJP Rath Yatra neih phalsak

Bharatiya Janata Party (BJP) in West Bengal-a Rath Yatra neih an tum chu Chief Minister Mamata Banerjee-i kaihhruai Trinamool Congress chuan chi leh chi inkara buaina a chhuah venthawn thilah phalna a pe duh lo a, hei vang hian BJP chu Calcutta High Court-ah zualkoin nimin khan HC chuan Rath Yatra neih hi a phalsak a ni.

West Bengal sorkar chuan BJP-ten rally an neih tumna hmunah hian chi leh chi inkara buaina a chhuah phah thei tia intelligence report an dawn vangin phalna an pe thei lo niin a sawi. Mahse nimin khan Bengal sorkar chhuanlam siam hi hnawlsakin, rally nei turte hnena phalna pek chu thil tihawm tak a nih thu a sawi. Hemi rual hian yatra buatsaih turte hian an ṭan hma dar 12-ah yatra neihna tur district police thuneitute chu an hriattir tur a ni tiin, commissioner-te chuan boruak ṭha tak hnuaia yatra buatsaih a nih theihna turin hma an la tur a ni, a ti.