SKorean First Lady a rawn zin

South Korean First Lady Kim-Jung Sook i chu ni li cham turin a rawn zin.

Kim Jung-Sook hian Pathianni khan Delhi a rawn thleng a, nimin khan Prime Minister Narendra Modi a hmu. Vawiin hian Uttar Pradesh-a Ayodhya-a Queen Huh Memorial Park-a Deepostsav festival lawmna a hmanpui ang a, Taj Mahal tlawhin Lucknow-ah chikankari embroidery style craftmen-te a kawm ang. Kim hian kumin July thla khan a pasal, South Korea President Moon Jae-an India ram a rawn tlawh ṭum khan a rawn zui tawh a ni.

South Korean Embassy cultural wing chuan tun ṭum hi kum 16 chhunga South Korean First Lady-in president tel loa ram dang a tlawh ṭum khatna a nih thu a sawi a, India rama a zin hian ram pahnih inzawmna pawh a tihchak phah ngei an beisei tih a sawi.