Hospital aṭangin Hardik Patel chhuak, nawrh chhunzawm nghal

Gujarat-a sorkar hna leh zirna ina Patidar hnam tana reservation siamsak phuta chaw ngheia nawrh huaihawt, Patel hruaitu Hardik Patel chu Pathianni khan damdawi-in aṭangin chhuahtir a ni a, a chhuah hnuah nawrh hi a chhunzawm leh nghal a ni.

Hardik Patel hi ni 15 zet chaw a nghei hnuah a taksa a chauh avangin kar kalta Zirtawpni khan Ahmedabad-a Sola Civil Hospital-ah dah a ni a, a hnuah private hospital, SGVP Holistic Hospital-ah sawn a ni. Pathianni khan damdawi-in aṭang hian chhuah niin in a thlen hnuah chaw nghei nawrh hi a chhunzawm leh nghal. Patel hian Patidar hnam tana reservation siamsak a phut bakah, loneitute loan ba ngaidam turin sorkar chu a phut bawk.