Meeting-naah smartphone hman khap ; WhatsApp-ah document pawimawh thawn khap

Sorkar laipui chuan communicaton guideline bawhchhiat a nih fo vang leh, sorkar information pawimawh a putruk fo venna turin kaihhruaina a siam thar.

Communication guideline siam tharah hian sorkar official zawng zawngte chu confidential information-te chu WhatsApp,Telegram-ahte thawn chhuak lo tura tih an ni a, heng Apps-te hi ram pawn lama private company-te thununna hnuaia awma nih avangin India dodaltuten information hi an hmangsual thei a ni, a ti. Hei bakah hian Work From Home (WFH) lai pawhin official-te chuan inbiakpawhna atan e-office application chauh an hmang tur tih a ni bawk. WFH laiin official-te chu secret information leh document-te inthawn kual lo turin tih an ni a, home system pawh chu National Informatics Centre (NIC) virtual private network hmang chauhin office network nen thlunzawm tura tih an ni.

Union ministry leh department zawng zawng bakah top official-te tana kaihhruaina thar siamah hian, meeting neih lai, abikin thu pawimawh bik leh security kaihhnawih thil ngaihtuah laiin smartphone leh smartwatch te hmang lo tura tih an ni. Office assistant device- Amazon Alexa, Apple HomePod leh a dangte pawh hman khapsak an ni bawk.

Official-te chu virtual meeting an neihnaah private apps, Google Meet leh Zoom application te hmang lo tura tiin, Department of Advanced Computing (C-DAC), National Informatics Centre (NIC) -ten an siam video conference solution hmang tura tih an ni.