India Gate-ah Chandra Bose lim dah dawn

Prime minister Narendra Modi chuan India Gate-ah Netaji Subhash Chandra Bose lim dah a ni dawn tih a sawi.

India independence movement tana a thawhnate chawimawina lantirnan, Chandra Bose lim hi siam a ni dawn a, mahse a lim zawhfel a nih hma chuan lim awmna turah hian Netaji hologram dah phawt a ni ang, a ti. He hologram hi Netaji Subhash Chandra Bose piancham vawi 125-na, January 23-ah PM hian a hawng dawn a ni.

Netaji lim hi granite hmanga siam a ni dawn a, grand canopy hnuaiah dah a ni ang. Canopy hi kum 1930 chhoa Sir Edwing Lutyens-a'n monument dang nena a siam a ni a, a hmain England lal George V lim dah a ni ṭhin. Mahse kum 1960 chho khan he lim hi Central Delhi-a Coronation Park-ah sawn a ni.