Engineering college lem 277 a awm

India ramah engineering college lem (fake) 277 a awm niin sorkar laipui chuan a sawi a, heng zinga 66 chu Delhi-a awm niin, Telangana-ah 35, West Bengal-ah 27 an awm tih a sawi.

Karnataka state-ah pawh engineering college lem hi 23 awmin, Uttar Pradesh-ah 22 a awm bawk. Hemi chungchang Minister of State Human Resource Development Satya Pal Singh chuan Lok Sabha-a inkhawmah a sawilang a ni. Sorkar laipui chuan college lem awmna state hrang hrangte hnenah an state chhunga All India Council for Technical Education(AICTE) pawmpui loh college chu kharsak tura ngen an nih thu a sawi bawk. University Grants Commission (UGC) pawhin ram chhunga university lem 24 list chu an website-ah a dahlang bawk.