GST Council-in textile-a chhiah tihpun hman rih lo rel

Goods and Services Tax (GST) Council chuan textile-ah chhiah lak, 5% aṭanga 12% a tihsan tumna chu kalpui rih loh an rel. Hemi chungchang hi council meeting neih leh huna ngaihtuah turin an ti.

Textile-a chhiah tihsan hi vawiin, January 1 aṭang hian hman ṭan tura tih a ni a, mahse GST Council thurel angin hman a ni dawn ta rih lo a ni.

State hrang hrang chuan textile product-a chhiah tihsan tumna hi sawiselin, hmang rih lo turin an ngen a ni. Union finance miniter Nirmala Sitharaman kaihhruaia pre-budget meeting neiha pawh Gujarat, West Bengal, Delhi, Rajasthan leh Tamil Nadu sorkar chuan textile chhiah tihsan hi a thlawp lotih an sawi.

Delhi sokrar chuan textile-a GST tihsan tumna sumdawngten an dodalna chu a thlawp tih a sawi a, GST council meeting neih leh hunah pawh hemi chungchang hi sawichhuah an tum tih deputy chief minister Manish Sishodia chuan a sawi a ni.