University-te kumtin convocation hmang turin hriattir

Human Resourcse Development (HRD) Ministry chuan ram chhunga university zawng zawngte hnenah lehkha thawnin, kumtin convocation year hmang ziah turin a hriattir.

HRD Ministry official chuan university ṭhenkhatten convocation hi an hmang ziah lo nia sawiin, convocation hi kumtinin mumal taka buatsaih a ni tur a ni, a ti. Hei hi zirlai graduate thar leh an chhungte tana hun pawimawh tak a ni, a ti.

University ṭhenkhat chuan sum lama harsatna vang te, hun neih ṭhat tawk loh vang tein convocation hi an hmang mumal lo ṭhin niin official chuan a sawi a, mahse hei hi kumtina buatsaih ngei ngei tur a ni, tiin a sawi. Ministry chuan university hrang hrangte hnenah hian convocation an neih hnuhnun ber chungchang kimchang thehlut turin a ti bawk.