President-in Padma Award a hlan

President Ram Nath Kovind chuan nimin khan Rashtrapati Bhawan-ah Padma Award dawngtute hnenah award a hlan. Kum 2021 Padma award dawngtu zingah hian Padhma Visbhusan dawgntu pasarih, Padma Bhushan dawngtu 10, Padma Shri Award dawngtu 102 an tel.

He chawimawina dawngtu zingah hian hmeichhia 29 an tel a, an thih hnuah hlan mi 16 awmin, transgrender pakhat a tel bawk.

Padma Award hi discipline/field hrang hranga pek niin - art, social work, public affairs, science and engineering, trade and industry, medicine, literature and education, sports, civil service leh a danga mi thawhhlawk leh hmingṭhate hnenah hlan an ni. Chawimawina dawng tura thlan chhuahte hi Republic Day hma niaah kumtinin puan chhuah an ni ṭhin.

Nimina mitthi tawh chawimawina pek zingah hian union finance minister leh BJP hruaitu hlun Arun Jaitley leh external affairs minister hlui Sushma Swaraj-te an tel a, an pahnih hian Padma Vibhushan hlan an ni.

Award hlanna inkhawm hi prime minister Narendra Modi, union home minister Amit Shah leh external affairs minister S Jaishankar-te pawhin an telpui a ni.