Jail tangte kutah Feteharg district jail awm

Uttar Pradesh-a Fatehgarh district jail chhunga thuneihna chu nimin khan jail tangte kutah a awm.

Jail tangte hian nimin zing khan buaina siamin, jail hmun ṭhenkhat an hal bakah official-te an bei bawk. Deputy jailor pahnih - Akhilesh Kumar leh Shailesh Kumar chu hrengin, jail chhung thuneihna hi an kutah an awm zui a ni. Jail security guard leh police-te chuan tangte hnawh darhnan tear gas an kapchhuak a, tanin an thununna chu chhuhsak leh tum mah se an hlawhtling thei rih lo a ni.

Official chuan tang zinga a thubuai ngaihtuah lai mek, SandipKumar chu enkawl a nih laia a thih avangin an lungawi lo tih a sawi. Kumar enkawl hun an tihkhawmuan bakah enkawlna dik lo pek vanga thi niin an ngai a, hei vang hian jail chhunga buaina siamin, official-te pawh an bei zui ta a ni.

Farrukhabad-a additional superintendent of police (ASP) Ajaypal Singh chuan senior superintendent of police (SSP) leh district magistrate te hian tanin chhunga awmte thlem lungawi tumin hma an lak mek thu a sawi.