West Bengal CM-in a ministry siksawi

West Bengal Chief Minister Mamata Banerjee-i chuan a ministry a siksawi a, cabinet aṭangin minister pathum a ban.

Minister aṭanga bante hi Churamani Mahato, James Kujur leh Abani Joardar te an ni a, ban an nihna chhan hi sawilan ni lo mah se, tunhnaia panchayat election neihah Trinamool Congress (TMC) an chet chhiat vang nia ngaih a ni.

Senior cabinet minister Subrata Mukherjee, Public Health Engineering (PHE) leh Panchayat and Rural Development ministry changtu chu PHe bakah Water Resources Investigation and Development ministry chantir a ni thung.

Kolkata Mayor Sovan Chatterjee-a chan, Environment ministry chu Transport Minister Suvendu Adhikari-a pek belh a ni bawk a, Fire and Emergency Services and Housing portfolio changtu Chatterjee chu a chanpual ngai pek a ni.

Minister of State Chandrima Bhattacharya chuan a ministry Health and Family Welfare, Land and Land Reforms department a chanzui bakah Personnel and Administrative Reforms leh e-governance independent charge pek a ni. Hei bakah hian Refugee Relief and Rehabilitation and Tribal Development department pek belh a ni bawk.