State pali-ah thlipui tleh vangin mi 64 thi

Ruah leh thlipui thawkin Pathianni khan Uttar Pradesh, Andhra Pradesh, Delhi NCR leh West Bengal-ah chhiatna nasa tak a thlen a, mi 64 in an thihphah bawk.

Delhi leh a chhehvelah chuan thlipui tleh vang hian mipahnih an thi a, thingkung tam tak a len tlu a, hei hian motor leh rel kawngte a hnawh bakah air service pawh a nghawng buai pha a ni.

Uttar Pradesh-ah chuan ruah leh thlipui thawkin chhiatna a thlenah mi 38 an thi a, midang 50 in hliam an tuar bawk. Rial pawh a tla nasa hle a, chenna in 117 vel a tichhia a ni.

West Bengal-ah chuan mi 12 an thi a, an zingah hian naupang pali an tel.

Andhra Pradesh-ah pawh thlipui tleh vangin mi pakua an thi bawk a ni.

India Meteorological Department chuan Pathianni khan Himachal Pradesh, Uttarakhand, Punjab, Haryana, Chandigarh, Madhya Pradesh, Jharkhand, Assam, Meghalaya, Maharashtra, Karnataka, Kerala leh Tamil Nadu-te chu ruah leh thli hian a nuai bawk niin a tarlang.