Modi-a sorkarin advertisement atan Rs vbch 4,300 seng

Prime Minister Narendra Modi-a kaihhruai NDA sorkar chuan media hrang hrang kaltlanga advertisment leh publicity tihna atan cheng vaibelchhe 4,343.26 a seng tawh.

Mumbai-a RTI activist Anil Galgali-an centre-a Bureau of Outreach and Communication (BOC) hnen aṭanga NDA sorkarin fakna leh intihlarna atana sum a senral zat, RTI hmanga a zawhna BOC Financial Advisor Tapan Sutradhar-an a chhannaah hei hi tarlan a ni.

RTI zawhna chhannaa a landanin, sorkar laipuiin kum 2014 June–March 2015 chhunga print publicity atana a sum senral chu cheng vaibelchhe 424.85 a ni a, electronic media-ah Rs vbch 448.97 leh outdoor publicity-ah Rs vbch 79.72 a ni a, hemi hun chhunga a senral zawng zawng hi Rs vbch 953.54 a ni.

Kum 2015-16 chhungin print media-ah Rs vbch Rs 510.69, electronic media-ah Rs vbch 541.99 leh outdoor publicity-ah Rs vbch 118.43, a vaiin Rs vbch 1,171.11 hman a ni.

Kum 2016-17-ah advertisement tihna atan hian print media-ah Rs vbch 463.38, electronic media-ah Rs vbch 613.78 leh outdoor publicity atan Rs vbch 185.99 sengin, a vaia senso hi Rs vbch 1,263.15 a tling.