Maha-ah Lingayats-in status hran pek phut

Karnataka sorkarin an state chhunga Lingayats community chu religion status hran a pek hnuah, Maharashtra-a Lingayats-te chuan status hran pe ve turin state sorkar an phut.

Pathianni khan All India Lingayat Coordination Committee chuan status hran pek phut hian Aurangabad-a Divisional Commissioner office kawtah nawrh an huaihawt a ni. Lingayats-te hian an sakhua chu ram pumah religious minority group a pawmsak an phut a ni. Lingayat sakhua hi India rama sakhaw upa ber zinga mi niin, Maharashtra state bikah pawh zuitu vaibelchhe li vel an awm a ni. Maharashtra-a nawrh huaihawtah hian state hrang hranga Lingayat hruaitute pawh an tel.