UIDAI-in Aadhaar smart card siam lo turin hriattir

Unique Identification Authority of India (UIDAI) chuan plastic Aadhaar card chu hman theih a nih loh thu sawiin mipuite chu siam lo turin a ngen a, an siamtir a nih chuan an data ruk a tiawlsam phah thei niin a sawi.

Agency chuan Aadhaar lehkha pangngai emaw, paper pangaia downloaded version an print emaw chu a rintlak tawk tih sawiin, plastic khera Aadhaar card siamsak tumte bumna laka inveng turin mipuite a chah. Plastic card siamsaktute hian a siam manah Rs 50 aṭanga Rs 300 thlengte an la ṭhin a ni.

UIDAI chief executive officer Ajay Bhushan Pandey chuan, "Plastic hmanga siam, Aadhaar smart cart hi thil ṭul lo tak a ni a, hei bakah hian an print laiin QR code-te chu a chhe fo a, hman theih lohin a awm phah zawk a ni. Aadhaar card pangngai leh paper pangngaia an download an print hi thil engkima hman turin a rintlak tawk a ni", a ti.