Christian music news Brandon Heath hla thar 'Human Nature'

'Give Me Your Eyes' hitmaker Brandon Heath chuan Zirtawpni khan hla thar 'Human Nature' a tichhuak a, streaming plat­form hrang hrangah ngaih­thlak turin a awm tawh.

He hla hi Paul Duncan leh Christian Hale-te nena an phuah a ni a, Heath chuan,"He hla hi inṭhenna kan tawha kehchhiatna kan tawn ṭhin chungchang a ni. Chhandamtu khan mihring nihphung a hmuh khan, a tlengfai vek a ni. Pathian bula awm tura siam kan ni a, mahnia awm tur kan ni lo," tiin a hla thar chungchang hi a sawi.

Brandon Heath hian Dove Award pariat lai a dawng tawh a, Grammy-ah pawh vawi nga lai nominee zingah a tel tawh. Album pasarih lai a tichhuak tawh a, kum 2017 khan a album hnuhnung ber 'Faith Hope Love Repeat' a tichhuak a ni.