Bengal cabinet-in Student Credit Card Scheme pawm

West Bengal cabinet chuan Ningani khan zirlai naupangte tan Student Credit Card scheme siamna tur a pawm.

Chief minister Mamata Banerjee chuan rorellai, Trinamool Congress-in election manifesto-a an lo tiam tawh chu an tihlawhtling dawn tih a sawi.

He scheme hnuaia zirlaite chuan an zirna atan credit card hmangin soft loan, Rs nuai 10 thleng an la thei dawn.

CM chuan West Bengal-a kum 10 awm tawhte chuan he scheme hi an chhawr vek thei dawn tih sawiin, "India emaw rampawna awm emaw undergraduate, postgraduate, doctoral leh post-doctoral study ti mek te'n loan hi an dil thei dawn a ni," a ti. Kum 40 an tlin thleng loan hi an dil thei tih a sawi bawk.

He scheme hnuaia loan late hian hna an hmuh aṭanga kum 15 chhung loan rulhna hun hi pek an ni ang.