BJP-in Bengal a ṭhendarh ka remti dawn lo : Mamata Banerjee

West Bengal chief minister Mamata Banerjee chuan BJP-a mi ṭhenkhatin Bengal chu ṭhendarh a, North Bengal lamah Union Territory din tir an tum tih sawiin, an state ṭhendarh chu a phal ngai dawn lo tih a sawi.

'Divide-and-rule' policy chu an state-ah kalpui a remti dawn lo tih sawiin, Banerjee chuan, "Tu duhdanin nge Bengal hi ṭhendarh an tum? UT siam tumna hi mipuite dikna chanvo laksakna tur a ni a, mahse mi tumahin Bengal ṭhendarh hi ka phal ngai lo ang" a ti. UT siam chu sorkar laipui thuhnuaia awm a, zalenna hloh vekna a ni, a ti.

BJP state unit chuan CM thusawi hi chhangin, party angin Bengal ṭhendarh tumna thu engmah an pawm lo a, mimal thusawi emaw mai anih an rin thu an sawi. Hetih lai hian Jalpaiguri-a BJP hruaitute chuan virtual meeting-ah UT siam phutna hi a awm ngei a, Parliament monsoon session-ah sawichhuah tum a ni tih an sawi thung.