BJP-in Rajya Sabha-ah MP 92 an nei

Bharatiya Janata Party (BJP) chuan Thawhṭanni khan Rajya Sabha seat 11-a inthlan neihah seat kua a la a, Rajya Sabha-ah MP 92 an nei dawn ta. Congress hian a ṭum khatna atan RS-ah hian MP 40 a nei tling zo dawn ta lo a ni. 

BJP hian Upper House-a majority nei tura MP neih ngai zat, 123 chu 31 zetin a la pha lo. Mahse NDA  hnuaia a thawhpui party dang nena member a neih zat hi 98 a ni. Hei bakah hian pawn lam aṭanga thlawptu, AIADMK leh hmarchhak state-a party ṭhenkhatte nen thlawptu a neih zat hi 118 a tling a ni. 

Election Commission of India chuan Thawhṭanni khan Karnataka-ah Rajya Sabha seat pakhat ruak chu December 1-ah thlan a nih tur thu a puang. Karnataka hi BJP chakna state a ni a, hei vang hian BJP chuan seat an lak  leh ngei besei a ni bawk. 

Indian Constitution-a article 80-in a tarlan angin Parliament upper house, Rajya Sabha-ah hian member hi 250 thleng an awm thei a ni. Member 250 zinga member 238 chu thlan tlin an ni a, member 12 chu president-in a ruat ṭhin.