Malabar Naval Exercise 2020 thawh khatna ṭan

Malabar Naval Exercise vawi 24-na thawh khatna chu nimin khan Visakhapatnam, Bay of Bengal-ah ṭan a ni.

Nimina ṭan tak Naval Exercise-ah hian Indian Navy, United States Navy, Japan Maritime Self-Defence Force leh Royal Australian Navy-te an tel a, November 6 thleng hian exercise hi an nei ang. 

Malabar maritime exercise hi kum 1992 aṭanga ṭan tawh kha niin Indian Navy- United States Navy exercise aṭanga an ṭan a ni a, kum 2015 khan Japan Maritime Self-Defence Force chuan zawm vein kumin aṭangin Royal Australian Navy-te chuan an zawm ve leh a ni.

Malabar Naval Exercise vawi 24-na hi thawh hnihin tun thla chhung hian an nei dawn a, Malabar-20 Phase-1-ah chuan surface, anti-submarine and anti-air warfare operation, cross deck flying, seamanship evolution leh weapon firing exercise-te an nei ang a, thawh hnihna chu November thla laihawlah hian neih tum lehin Arabian Sea-ah an nei ang.