Bihar assembly inthlan thawh hnihna nei

Bihar assembly inthlan thawh hnihna chu nimin khan bial 94-ah neih a ni. 

Nimina inthlan neihna bial 94 hi district 17-a awm an ni a, rorellai Janata Dal (United) chuan bial 43-ah candidate neiin, NDA hnuaia a thawhpui BJP chu bial 46-ah a ding thung. Eptu ṭangrual pawla tel, Rashtriya Janata Dal chuan bil 56 chuhin, a thawhpui Congress chuan  bil 24-ah a chuh ve bawk. 

Inthlan thawh hnihna neihnaah hian vote nei mi vaibelchhe 2.85 awmin, candidate 1,463 an awm. 

Seat 243 awmna, Bihar assembly inthlan hi thawh thuma neih a ni dawn a, a thawh khatna chu October 28 khan neih ni tawh a, a thawh thumna leh hnuhnung ber tur chu November 7 hian neih a ni ang. Inthlan result hi November 10-ah puan a ni ang. 

Nimin vek khan state 10-a assembly seat 54-ah by-election neih a ni bawk.