AAP-in ‘Remove Dictatorship, Save Country’ rally huaihawt

Delhi-a rorellai, Aam Aadmi Party (AAP) huaihawtin nimin khan Jantar Mantar-ah ‘Remove Dictatorship, Save Country’ rally neih a ni. He rally hi eptu pawl hrang hrangten an zawm.

Nimina rally hi Trinamool Congress (TMC) hruaitu leh West Bengal Chief Minister Mamata Banerjee leh Andhra Pradesh Chief Minister Chandrababu Naidu-te pawh an tel. Anni bakah hian J&K CM hlui Farooq Abdullah, PM hlui HD Deve Gowda lah Nationalist Congress Party leader Sharad Pawar te pawh an tel a ni. Eptu party dang Congress, TDP, DMK, Samajwadi Party leh BSP ten party aiawhte an tir bawk. Congress president Rahul Gandhi pawh tel tura sawm ni mah se nimin tlai lam khan Rafale deal chungchangah press conference nei tura ruahmanna a lo siam tawh avangin a tel ve ta lo a ni. 

Kar thum liamtaah khan Bengal CM Banerjee-i chuan Kolkalta-ah rally a lo huaihawt tawh a, hei hi eptu party hrang hrang 25 hruaituten an lo telpui tawh a ni.