Maoist hel pawl hruaitu police kutah inpe

Maoist helpawl hruaitu zinga mi, Oggu Satawaji chu Thawhṭanni khan a nupui Neelima nen Telangana police-te kutah an inpe. 

Sudhakar tia hriat lar, Oggu Satwaji leh a nupui nen hi an lu man cheng vaibelchhe 1.5 chuang a ni mek a ni. National Investigation Agency (NIA) hi most wanted caterogy list-ah a dah zingah a tel a, CPI(Maoist)-a thuneitu sang ber, politburo leh central committee (CC) member nilai a ni bawk. 

Kum 2004-a People’s War Group (PWG) leh Maoist Communist Centre of India (MCCI) te an inchhunfin hnuah Sudhakar hi an pawl hotu pawimawh zinga thuneitute kuta inpe pahnihna a ni. Kum 2017 December thla khan CC leh politburo member Jinugu Narasimha Reddy leh a nupuite chu Telangana police-te kutah hian an lo inpe tawh bawk. 

Thuneitute kuta Sudhakar a inpek chhan leh intiamkamna eng ang nge an siam tarlan a ni lo. Sudhakar-a unaupa hi kum 2017 September thla kha man a lo ni tawh a, a kutah hian pawisa fai cheng nuai 25 bakah gold biscuit, cheng nuai 12 hu man tel a ni bawk a ni.