India communication satellite GSAT-31 kap chhuak

India communication satellite GSAT-31 chu nimin zing khan French Guiana-ah European launch services provider Arianespace rocket aṭangin hlawhtling taka kahchhuah a ni. 

South America hmarchhak lama France territory, Kourou-a Ariane Launch Complex aṭangin nimin zing dar 2:31 khan GZAT-31 hi kahchhuah a ni. Indian Space Research Organisation (ISRO) Satish Dhawan Space Centre (SDSC) Director S Pandian chuan hlawhtling taka satellite kahchhuah a ni thei chu lawmawm a tih thu sawiin, Arianepace-te a lawmpui thu a sawi a, hei hi kumina ISRO mission pathumna a nih thu a sawi. 

GSAT-31 hi kg 2,535-a rit niin, India communication satellite 40-na a ni a, Geostationary Orbit-a Ku-band transponder capacity belhchhahtu atan hman a ni ang. Kum 15 dam tur niin VSAT network, Television uplink, Digital Satellite News Gathering, DTH-television services, cellular backhaul connectivity leh application dang eng emaw zatah hman a ni ang.